محسن نقوی اور طلال چوہدری سے مفتی منیب الرحمن کی وفد کےہمراہ ملاقات

اسلام آباد: وفاقی وزیر داخلہ محسن نقوی اور وزیر مملکت طلال چوہدری سے مفتی اعظم پاکستان مفتی منیب الرحمن کی سربراہی میں وفد نے ملاقات کی۔

وزیر داخلہ محسن نقوی نے ملک میں قیام امن اور استحکام کے لیے مفتی منیب اور دیگر علمائے کرام کی خدمات کو سراہا اور وفد کو مسائل حل کرنے کی یقین دہانی کرائی۔

ملاقات میں یہ طے پایا کہ مسائل کے حل کا جائزہ لیا جائے گا اور اقدامات کیے جائیں گے۔ وزیر مملکت طلال چوہدری کی سربراہی میں کمیٹی تشکیل دی گئی، جس میں مفتی منیب الرحمن اور دیگر علما بھی شامل ہوں گے۔ کمیٹی مسائل کے حل کے لیے سفارشات پیش کرے گی۔

محسن نقوی نے کہا کہ مفتی منیب الرحمن سب کے لیے قابل احترام ہیں اور ہمیشہ اتحاد و یکجہتی کی بات کرتے ہیں۔ طلال چوہدری نے کہا کہ علمائے کرام کی پاکستان کے لیے خدمات قابل ستائش ہیں اور مفتی منیب الرحمن نے ملک کی سالمیت، ترقی اور خوشحالی کے لیے دعا کی۔

وفد میں علامہ لیاقت حسین اظہری، مفتی عابد مبارک المدنی اور ملک محمد ابراہیم شامل تھے جبکہ وفاقی سیکرٹری داخلہ محمد خرم آغا، آئی جی اسلام آباد علی ناصر رضوی اور دیگر حکام بھی موجود تھے۔