پاکستان سٹاک مارکیٹ ایک لاکھ 88 ہزار پوائنٹس کی حد پر بحال

کراچی: پاکستان سٹاک مارکیٹ ایک لاکھ 88 ہزار پوائنٹس کی سطح پر بحال ہو گئی ہے۔

کاروباری ہفتے کے چوتھے روز کاروبار کے آغاز پر مارکیٹ میں زبردست تیزی دیکھی گئی اور 1000 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 88 ہزار 59 پوائنٹس تک پہنچ گیا۔

واضح رہے کہ گزشتہ کاروباری دن کے اختتام پر انڈیکس ایک لاکھ 87 ہزار 33 پوائنٹس پر بند ہوا تھا، جس کے بعد آج کی کارکردگی میں مارکیٹ نے واضح بہتری دکھائی۔