کراچی:سمندر میں کشتی الٹ گئی،10 افراد ڈوب گئے،ریسکیو آپریشن جاری

 

کراچی: منوڑہ کے علاقے کے سمندر میں ایک کشتی الٹنے کے نتیجے میں 10 افراد ڈوب گئے۔

ایدھی بحری خدمات کی ٹیم نے فوری کارروائی کرتے ہوئے 6 افراد کو زندہ بچا لیا، جبکہ لاپتہ 4 افراد کی تلاش جاری ہے۔

وزیراعلیٰ سندھ سید مراد علی شاہ نے واقعے پر افسوس کا اظہار کرتے ہوئے انتظامیہ کو ہدایت کی کہ ریسکیو آپریشن تیز کیا جائے تاکہ انسانی جانیں بچائی جا سکیں۔ وزیراعلیٰ نے ڈی سی کیماڑی کو بھی ہدایت کی کہ وہ آپریشن کی نگرانی کے لیے اپنی ٹیم روانہ کریں۔

وزیراعلیٰ کو بریفنگ میں بتایا گیا کہ چائنہ پورٹ کے قریب ایک بحری جہاز کی کشتی سے ٹکرانے کے باعث یہ حادثہ پیش آیا۔