پشاور ہائیکورٹ:چھ نئے مستقل ججز نے حلف اٹھا لیا

پشاور ہائیکورٹ میں چھ نئے مستقل ججز نے اپنی ذمہ داریاں سنبھالنے کے لیے حلف اٹھا لیا ہے۔ چیف جسٹس پشاور ہائیکورٹ جسٹس ایس ایم عتیق شاہ نے حلف برداری کی تقریب میں ججز سے حلف لیا۔

حلف برداری کرنے والوں میں جسٹس طارق آفریدی، جسٹس عبدالفیاض، جسٹس صلاح الدین، جسٹس صادق علی، جسٹس سید مدثر امیر اور جسٹس قاضی جواد احسان اللہ شامل ہیں۔

تقریب کورٹ روم نمبر 1 میں منعقد ہوئی، جس میں سینئر پیونی ججز جسٹس اعجاز انور، جسٹس سید ارشد علی، جسٹس صاحبزادہ اسداللہ اور دیگر ججز نے بھی شرکت کی۔ اس کے علاوہ رجسٹرار ہائیکورٹ، ایڈوکیٹ جنرل، ایڈیشنل اٹارنی جنرل، ہائیکورٹ سٹاف اور وکلاء کی بڑی تعداد بھی تقریب میں موجود تھی۔