وکیل نے بسنت منانے کے لیے سیشن کورٹ کی چھت مانگ لی

لاہور: صوبائی دارلحکومت میں   وکیل نے بسنت منانے کے لیے سیشن کورٹ کی ہی چھت مانگ لی  تاہم فاضل عدالت نے وکیل کی یہ استدعا مسترد کردی ۔

نجی ٹی وی چینل کے مطابق  لاہور کی سیشن کورٹ کی چھت پر بسنت منانے کی وکیل کی درخواست سیکیورٹی خدشات کے باعث مسترد کر دی گئی۔

سیشن جج طارق خورشید خواجہ نے ایک تحریری فیصلے  میں کہا ہے  کہ عدالتی احاطہ ایک ہائی سیکیورٹی زون ہے اور ایسے واقعات کی اجازت دینے سے سنگین خطرات لاحق ہوسکتے ہیں۔

مزید کہا گیا کہ عدالت کی چھت عوامی اجتماعات کے لیے نہیں بنائی گئی،   ججوں، عملے، وکلاء اور عوام کی حفاظت کے لیے ایسے ایونٹس کی اجازت نہیں دی جا سکتی۔