گل پلازہ کی سرچنگ مکمل ہونے کے بعد عمارت سیل کردی گئی

 

کراچی میں آتشزدگی کا شکار تجارتی مرکز گل پلازہ سیل کردیا گیا ہے۔

قبل ازیں عمارت  کو جزوی طور پر سیل کیا گیا تھا ۔

حکام کا کہنا تھا کہ عمارت جزوی سیل ہونے کے باوجود لاپتہ افراد کی باقیات کی تلاش جاری رہے گی اس کے بعد گل پلازہ کی عمارت گرا دی جائے گی۔

عمارت کے اطراف لوہے کی شٹرنگ لگانے کا کام جاری ہے، ٹیکنیکل ٹیم نے عمارت کا جائزہ لیا۔

ذرائع کے مطابق ابتدائی تحقیقات کے مطابق پہلے عمارت کی بیسمنٹ میں آگ لگی، بیسمنٹ میں موجود داخلی اور خارجی راستوں پر تالے لگے تھے۔

ذرائع کا کہنا ہے کہ ریسکیو ٹیموں نے ویڈیوز اور دیگر شواہد سے اعلیٰ حکام کو آگاہ کردیا ہے۔

 

حکام کے مطابق گل پلازہ میں آگ 17 جنوری کی شب   لگی تھی۔آگ سے 1200 دکانیں متاثر ہوئیں، اور ایک حصہ زمین بوس ہوا۔

سینئر ڈائریکٹر میونسپل سروسز کے ایم سی راجہ رستم  کے مطابق سرچنگ مکمل ہونے کے بعد پلازہ سیل کر دیا گیا ہے۔ انہوں نے بتایا کہ بقیہ عمارت کب مسمار کرنی ہے اس کا فیصلہ وفاقی حکومت کی کمیٹی کرے گی۔ راجہ رستم کے مطابق ، میونسپل کارپوریشن نے اس دوران  دن رات کام کیا ہے۔بیسمنٹ سے 46 تولے سونا بھی نکال کر مالک کو دیا۔