خواتین کی مخصوص نشست پر جے یو آئی کو بڑا جھٹکا

اسلام آباد: قومی اسمبلی میں جے یو آئی (ف) کی خواتین کی مخصوص نشست سے متعلق معاملے پر الیکشن کمیشن آف پاکستان نے فیصلہ سناتے ہوئے حنا بی بی کی درخواست مسترد کر دی۔

الیکشن کمیشن نے صدف احسان کو بطور رکن قومی اسمبلی برقرار رکھنے کا حکم دیا ہے اور واضح کیا ہے کہ انہیں ڈی نوٹیفائی نہیں کیا جائے گا۔

حنا بی بی نے اپنی درخواست میں موقف اختیار کیا تھا کہ صدف احسان کا نام جے یو آئی کی ترجیحی فہرست میں شامل نہیں تھا، اس لیے انہیں مخصوص نشست پر منتخب قرار نہیں دیا جا سکتا۔

الیکشن کمیشن کے فیصلے کے بعد حنا بی بی کے پاس یہ اختیار موجود ہے کہ وہ اس فیصلے کو چیلنج کرنے کے لیے الیکشن ٹربیونل سے رجوع کر سکتی ہیں۔