پیٹرولیم مصنوعات کی قیمتوں میں یکم فروری سے بڑے اضافے کا امکان

 

اسلام آباد: ملک میں پیٹرولیم مصنوعات کی قیمتوں میں یکم فروری سے بڑے اضافے کا امکان ہے۔

اوگرا نے قیمتوں میں ردوبدل کے حوالے سے اپنی ورکنگ مکمل کر لی ہے اور سمری پیٹرولیم ڈویژن کو ارسال کی جائے گی۔

ذرائع کے مطابق ہائی اسپیڈ ڈیزل کی قیمت میں 9 روپے 47 پیسے فی لیٹر، لائٹ ڈیزل آئل میں 6 روپے 95 پیسے اور مٹی کے تیل میں 3 روپے 69 پیسے فی لیٹر اضافے کا امکان ہے۔

پیٹرول کی قیمت میں 36 پیسے فی لیٹر کمی متوقع ہے۔

پیٹرولیم ڈویژن وزیر اعظم سے مشاورت کے بعد نئی قیمتوں کا نوٹیفکیشن 31 جنوری کو جاری کرے گا۔