بھاٹی گیٹ واقعہ:عدالت نے گرفتار 5 ملزمان کو صلح کی بنیاد پر رہا کردیا

لاہور: مقامی عدالت نے بھاٹی گیٹ میں ماں بیٹی کے مین ہول میں گر کر جاں بحق ہونے کے مقدمے میں گرفتار 5 ملزمان کو صلح کی بنیاد پر رہا کرنے کا حکم دے دیا ۔

جوڈیشل مجسٹریٹ شفقت عباس نے کیس کی سماعت کی ۔ کمرہ عدالت نے مدعی نے پیش ہوکر بیان دیا کہ ہم ملزمان کے خلاف مزید کارروائی نہیں کرنا چاہتے۔ملزمان کو بری یا مقدمے سے ڈسچارج کرنے پر کوئی اعتراض نہیں ۔

عدالت نے صلح کی بنیاد پر ملزمان کی ضمانت کی درخواستیں پچاس پچاس ہزار روپے مچلکوں کے عوض منظور کرلیں اور ملزمان کو رہا کرنے کا حکم دے دیا ۔ ملزمان میں سلمان یاسین ،عثمان یاسین ،احمد نواز ،اصغر علی سمیت دیگر کو ضمانت پر رہا کرنے کا حکم دے دیا ۔