16 فروری سے پیٹرولیم مصنوعات مزید مہنگی ہونے کا امکان

اسلام آباد: 16 فروری سے پیٹرولیم مصنوعات کی قیمتوں میں اضافے کا امکان ظاہر کیا جا رہا ہے۔

انڈسٹری ذرائع کے مطابق پیٹرول کی قیمت میں تقریباً 4 روپے 39 پیسے فی لیٹر تک اضافہ متوقع ہے، جبکہ ہائی اسپیڈ ڈیزل 5 روپے 40 پیسے فی لیٹر مہنگا ہو سکتا ہے۔

لائٹ ڈیزل آئل کی قیمت میں 6 روپے 55 پیسے فی لیٹر تک اضافے کا امکان ہے۔

ذرائع کا کہنا ہے کہ مٹی کے تیل کی قیمت میں بھی تقریباً 4 روپے فی لیٹر اضافہ متوقع ہے۔

پیٹرولیم مصنوعات کی قیمتوں میں ردوبدل کا حتمی فیصلہ اوگرا اور وزارتِ خزانہ وزیراعظم سے مشاورت کے بعد کریں گے۔