اب آپ اپنی وفات کے بعد بھی سوشل میڈیا پر پوسٹ کرتے رہیںگے۔نئے اے آئی ماڈل پرتنازع

سوشل میڈیا کی دنیا میں ایک نیا تنازع جنم لے رہا ہے: میٹا نے ایک ایسا AI ماڈل تیار کرنے کا پیٹنٹ حاصل کر لیا ہے جو صارف کے مرنے کے بعد بھی اس کے اکاؤنٹ سے مواد پوسٹ اور چیٹ کر سکتا ہے۔ صارفین نے اس خیال پر حیرت اور غصے کا اظہار کیا ہے، اور سوال اٹھایا ہے کہ کیا ٹیکنالوجی کے لیے اب کوئی حد باقی رہ گئی ہے؟ کچھ کا مطالبہ ہے کہ موت کے بعد تو سکون سے آرام کرنے دیا جائے، ماہرین اسے اخلاقی اعتبار سے انتہائی متنازع قرار دے رہے ہیں۔

ایک ٹویٹر صارف نے کہاکہ میٹا نے ایک AI کے لیے پیٹنٹ حاصل کیا ہے جو مرے ہوئے شخص کے اکاؤنٹ پر قابو پا کر اس کی جانب سے پوسٹ اور چیٹ کرتا رہے گا۔ کیا میٹا کے لیے کوئی حد باقی رہ گئی ہے؟۔دیگر صارفین نے مطالبہ کیا کہ موت کے بعد تو سکون سے آرام کرنے دیا جائے ۔یہ پیٹنٹ کمپنی نے دسمبر کے آخر میں حاصل کیا، جو ایک بڑے لسانی ماڈل پر مبنی ہے اور صارف کی موت کے بعد بھی سوشل میڈیا پر اس کی سرگرمی، جیسے حقیقی لوگوں کے مواد پر ردعمل کی نقل کر سکتا ہے، جیسا کہ “بزنس انسائیڈر” نے رپورٹ کیا۔

میٹا کے چیف ٹیکنالوجی آفیسر اینڈریو بوسورتھ اس پیٹنٹ کے مرکزی مصنف کے طور پر رجسٹرڈ ہیں، جسے پہلی بار 2023 میں جمع کرایا گیا تھا۔پیٹنٹ کی دستاویز میں بتایا گیا کہ یہ تکنیک صارف کی سرگرمی کی نقل کر سکتی ہے، چاہے وہ لمبی چھٹی پر ہو یا وفات پا چکا ہو۔اس کے ذریعے صارف کے غیر موجود ہونے کے دوران دیگر صارفین کے تجربے پر اثر کم کیا جا سکتا ہے، خاص طور پر ان صورتوں میں جہاں صارف واپس نہیں آ سکتا۔

دستاویز میں یہ بھی ذکر کیا گیا کہ AI صرف ٹیکسٹ ہی نہیں بلکہ آڈیو یا ویڈیو کے ذریعے بھی صارف کی سرگرمی کی نقل کر سکتا ہے۔ یہ تکنیک ہر صارف کے ڈیٹا پر منحصر ہے تاکہ اس کا انداز، رابطے کی نغمت، پسندیدگیاں اور تعاملات کے طریقے تقریباً اصلی کی طرح لگیں۔

میٹا ترجمان کا کہناہے کہ کمپنی فی الحال اس مثال کو عملی جامہ پہنانے کا کوئی منصوبہ نہیں رکھتی ۔ماہرین کے مطابق اس خیال کو سوگ روبوٹس یا ڈیجیٹل مردہ کی نقل سے جوڑا جاتا ہے، جو اخلاقی طور پر ایک متنازع معاملہ ہے۔