شانگلہ الپوری میں آسمانی بجلی گرنے سے ایک ہی خاندان کے 3 افراد جاں بحق

ڈسٹرکٹ ​شانگلہ میں آسمانی بجلی گرنے سے ایک ہی خاندان کے 3 افراد جاں بحق ہوگئے۔

​شانگلہ حالیہ شدید بارشوں کے دوران تحصیل الپوری کے علاقے لیلونی اچر میں ایک افسوسناک واقعہ پیش آیا ہے، جہاں ایک مکان پر آسمانی بجلی گرنے کے نتیجےمیں ایک ہی خاندان کے تین افراد لقمہ اجل بن گئے۔​​ریسکیو اہلکاروں نے متاثرہ افراد کو بچانے کے لیے جائے وقوعہ پر تمام ضروری طبی اقدامات کیے، تاہم جانبر نہ ہو سکے۔​

جاں بحق ہونے والوں میں میاں، بیوی اور ایک بچہ شامل ہیں۔مقامی لوگ بھی بڑی تعداد میں جائے وقوعہ پر موجود ہیں اور امدادی کارروائیوں میں حصہ لے رہے ہیں۔​حالیہ شدید بارشوں کے وجہ سے بجلی کا نظام درہم برہم ہوگیا ہے۔لینڈ سلائیڈنگ سے متعدد لنک روڈز بھی بند ہوگئے۔