خنجراب میں کئی سال بعدہمالیائی براؤن بیئر کی موجودگی کانایاب منظروڈیوپر محفوظ

پاکستان کے شمال میں واقع خنجراب نیشنل پارک (Khunjerab National Park) میں14ہزارفٹ کی بلندی پر ایک بڑے ہمالیائی براؤن بیئر کی تصدیق شدہ موجودگی ریکارڈ کی گئی ہے۔ یہ واقعہ پارک کے وائلڈ لائف سٹاف کیبن کے بالکل قریب رات کے وقت پیش آیا۔

وائلڈ لائف کنزرویشن کے ماہر اور سابق سول سرونٹ سید رضوان محبوب نے سوشل میڈیاپر ایک ویڈیو شیئر کرتے ہوئے لکھاکہ برسوں بعد خنجراب نیشنل پارک میں ایک بڑا ہمالیائی براؤن بیئرنظرآیا ہے۔ اب ہم برفانی چیتے کے ساتھ ساتھ ان بھورے ریچھوں کا بھی خیال رکھیں گے۔

ویڈیو میں ریچھ رات کے اندھیرے میں پارک کے علاقے میں گھومتا، زمین سونگھتا اور ادھرادھرچلتا پھرتا دکھائی دیتا ہے۔

Great Wildlife News from Pakistan

After many years, confirmed sighting of a massive Himalayan Brown Bear at 14000 ft ASL in Khunjerab National Park GB , right next to wildlife staff hut (my home in KNP)

We'll now need to take care of Brown Bears alongside Snow Leopards at KNP pic.twitter.com/Q0HPbulOCH

— Syed Rizwan Mehboob (@syedrizwanmehb1) June 19, 2026

یہ منظر وائلڈ لائف کے شائقین کے لیے دلچسپ اور حوصلہ افزا ہے۔

ہمالیائی براؤن بیئر پاکستان میں انتہائی نایاب اور خطرے سے دوچار نوع ہے۔اپر ہنزہ اور خنجراب میں اس کی آبادی بہت کم رہ گئی ہے۔دیوسائی کے علاہ ان علاقوں میں اس ریچھ کی الگ مقامی آبادی ہے جو تقریباً ختم ہونے کے قریب تھی۔حالیہ نظارے سے امید پیدا ہوئی ہے کہ حفاظتی اقدامات سے اس کی تعداد میں اضافہ ممکن ہے۔

واضح رہے کہ خنجراب نیشنل پارک برفانی چیتے سمیت متعدد نایاب انواع کا گھر ہے۔ پارک حکام اور مقامی لوگوں کی کوششوں سے آئی بیکس کی آبادی میں بھی بہتری آئی ہے۔

اس پوسٹ پر لوگوں نے مثبت ردعمل دیا۔ بہت سے صارفین نے وائلڈ لائف سٹاف اور حکام کی تعریف کی ۔ کچھ نے ریچھ کی حفاظت اور اس کے قدرتی رہائش گاہ کو محفوظ رکھنے کی ضرورت پر زور دیا۔