پیٹرول 4.93 اور ڈیزل 7.15 روپے مہنگا

اسلام آباد: حکومتِ پاکستان (وزارتِ توانائی) نے اوگرا کی سفارشات پر پیٹرولیم مصنوعات کی نئی قیمتوں کا نوٹیفکیشن جاری کر دیا ہے، جس کے تحت پیٹرول اور ڈیزل کی قیمتوں میں اضافہ کر دیا گیا ہے۔

اضافے کے بعد پیٹرول کی نئی قیمت 320 روپے 73 پیسے فی لیٹر ہوگئی۔

ڈیزل کی قیمت میں بھی 7 روپے 15 پیسے فی لیٹر اضافہ کردیا گیا ہے۔ جس کے بعد ڈیزل کی نئی قیمت 367 روپے 21 پیسے مقرر کی گئی ہے ۔

پیٹرولیم مصنوعات کی نئی قیمتیں 22جولائی کیلئے مقرر کی گئیں، اوگرا کی جانب سے نئی قیمتوں کا نوٹیفیکیشن جاری کر دیا گیا۔

تیسرے روز بھی خاموشی سے قیمتوں میں اضافہ: ڈیزل 44 اور پیٹرول 10 روپے مہنگا

 روزانہ کی بنیاد پر پیٹرولیم مصنوعات کی قیمتوں کے تعین کے نئے فارمولے کے تحت حکومت نے مسلسل تیسرے روز بھی خاموشی سے قیمتوں میں بڑا اضافہ کر دیا ہے، جس کا عوام کو شور شرابے کے بغیر ہی ایک بڑا جھٹکا لگا ہے۔

نئے نظام کے نفاذ کے بعد سے اب تک مجموعی طور پر:

پیٹرول (Petrol): مسلسل تین دنوں میں مجموعی طور پر 10.02 روپے فی لیٹر مہنگا کیا جا چکا ہے، جس کے بعد پیٹرول کی نئی قیمت 320.73 روپے فی لیٹر تک پہنچ گئی ہے۔

ڈیزل (Diesel): ہائی اسپیڈ ڈیزل کی قیمت میں ان تین دنوں کے دوران 43.91 روپے فی لیٹر کا بڑا اور غیر معمولی اضافہ کیا گیا ہے، جس کے بعد ڈیزل کی نئی قیمت 367.21 روپے فی لیٹر ہو چکی ہے۔

حکومت کے روزانہ قیمتیں بدلنے کے اس نئے نظام کی سب سے خاص بات یہ رہی کہ ڈیزل کی قیمت میں تقریباً 44 روپے فی لیٹر کا اتنا بڑا اضافہ ہو گیا لیکن بغیر کسی احتجاج یا شور کے یہ خاموش بوجھ خاموشی سے عوام کی جیب پر ڈال دیا گیا۔