آج کی دعا

موت سے پہلے
جب موت کے آثار ظاہر ہوں تو کلمہ طیبہ پڑھے اور یہ دعا کرے:
٭ اَللّٰھُمَّ اغْفِرْلِیْ وَارْحَمْنِیْ وَ اَلْحِقْنِیْ بِالرَّفِیْقِ الْاَعْلیٰ۔ (بخاری)
(ترجمہ) یا اللہ! میری مغفرت فرمائیے، مجھ پر رحم فرمائیے اور مجھے بلند مرتبہ ساتھی سے ملوا دیجئے۔
نیز یہ دعا کرے:
٭ اَللّٰھُمَّ اَعِنِّیْ عَلیٰ غَمَرَاتِ الْمَوْتِ وَسَکَرَاتِ الْمَوْتِ۔ (ترمذی)
(ترجمہ) یااللہ! مجھے موت کی سختیوں اور اس سے طاری ہونے والی بے ہوشیوں میں میری مدد فرمائیے۔
جب اپنا کوئی دوست یا عزیز اس حالت میں ہو تو یہ آخری دعا ’’اَعِنّیِْ‘‘ کے بجائے ’’اَعِنْہُ‘‘ کہہ کر پڑھی جا سکتی ہے۔ یعنی یا اللہ! اس کی مدد فرما۔
جب کوئی مصیبت پیش آئے
جب کسی شخص کو کوئی مصیبت پیش آئے (خواہ اپنے کسی عزیز کی موت سے یا کسی اور وجہ سے) تو اِنَّا لِلّٰہِ وَ اِنَّآ اِلَیْہِ رَاجِعُوْنَ پڑھنے کے بعد یہ دعا پڑھے:۔
اَللّٰھُمَّ أْجُرْنِیْ فِیْ مُصِیْبَتِیْ وَاَخْلِفْ لِیْ خَیْرًا مِّنْھَا۔(مسلم)
(ترجمہ) یا اللہ! مجھے میری مصیبت میں اجر عطا فرمائیے اور مجھے اس کے بدلے کوئی بہتر چیز عطا فرمائیے۔
٭٭٭٭٭