آج کی دعا

موت سے پہلے
جب موت کے آثار ظاہر ہوں تو کلمہ طیبہ پڑھے اور یہ دعا کرے:
٭ اَللّٰھُمَّ اغْفِرْلِیْ وَارْحَمْنِیْ وَ اَلْحِقْنِیْ بِالرَّفِیْقِ الْاَعْلیٰ۔ (بخاری)
(ترجمہ) یا اللہ! میری مغفرت فرمائیے، مجھ پر رحم فرمائیے اور مجھے بلند مرتبہ ساتھی سے ملوا دیجئے۔
نیز یہ دعا کرے:
٭ اَللّٰھُمَّ اَعِنِّیْ عَلیٰ غَمَرَاتِ الْمَوْتِ وَسَکَرَاتِ الْمَوْتِ۔ (ترمذی)
(ترجمہ) یااللہ! مجھے موت کی سختیوں اور اس سے طاری ہونے والی بے ہوشیوں میں میری مدد فرمائیے۔
جب اپنا کوئی دوست یا عزیز اس حالت میں ہو تو یہ آخری دعا ’’اَعِنّیِْ‘‘ کے بجائے ’’اَعِنْہُ‘‘ کہہ کر پڑھی جا سکتی ہے۔ یعنی یا اللہ! اس کی مدد فرما۔
جب کسی کی وفات کی خبر سنے
جب کسی جاننے والے مسلمان کے انتقال کی خبر ملے تو یہ دعا کرے:
اَللّٰھُمَّ لَاتَحْرِِمْنَا اَجْرَہٗ وَلَا تُضِلَّنَا بَعْدَہٗ۔ (ابودائود، ترمذی)
(ترجمہ) یااللہ! اس کے اجر سے ہمیں محروم نہ فرمائیے اور ان کے بعد ہمیں گمراہ نہ کیجئے۔