اسلام آباد(امت نیوز) پاکستان آرچری فیڈریشن کے زیراہتمام اور سندھ آرچری ایسوسی ایشن کے تعاون سے 7 ویں قومی آرچری چیمپئن شپ 25 فروری سے کراچی میں شروع ہو گی۔ پاکستان آرچری فیڈریشن کے سیکرٹری جنرل وصال محمد خان نے بتایاکہ چیمپئن شپ کی تیاریاں زور شور سے جاری ہےں اور چیمپئن شپ میں ملک بھر سے 9 ٹیمیں حصہ لے رہی ہیں جن میں پاکستان آرمی، پاکستان پولیس، پاکستان واپڈا، پنجاب، سندھ، بلوچستان، خیبر پختونخوا، اسلام آباد اور فاٹا کی ٹیمیں شامل ہیں۔ ہر ٹیم تین مرد اور تین خواتین کھلاڑیوں پر مشتمل ہوگی۔