ہمبنٹوٹا (امت نیوز) انگلینڈ اور سری لنکن کرکٹ ٹیموں کے درمیان آئی سی سی ویمن چیمپئن شپ کا تیسرا اور آخری ایک روزہ بین الاقوامی میچ (آج) جمعرات کو کھیلا جائے گا۔ انگلینڈ کی ٹیم کو میزبان سری لنکن ٹیم کے خلاف تین میچوں کی سیریز میں 2-0 کی فیصلہ کن برتری حاصل ہے۔ انگلینڈ ویمن ٹیم نے پہلے میچ میں سری لنکن ٹیم کو 154 رنز سے شکست دی تھی جبکہ دوسرے میچ میں مہمان ٹیم نے میزبان ٹیم کو 6 وکٹوں سے مات دیکر سیریز میں 2-0 کی برتری حاصل کرلی۔
٭٭٭٭٭