راولپنڈی (امت نیوز) پنجاب گیمز کی تیاری کے سلسلے میں راولپنڈی کی بیس بال ٹیم کا تربیتی کیمپ اختتام پذیر ہو گیا۔ کوچ شفقت نیازی کی زیرنگرانی تربیتی کیمپ ایک ہفتہ تک جاری رہا جس میں کھلاڑیوں نے بھرپور پریکٹس کی، کوچ شفقت نیازی نے اے پی پی کو بتایا کہ ٹریننگ کیمپ میں کھلاڑیوں کی فٹنس پر خصوصی توجہ دی گئی۔ ایونٹ میں شرکت کیلئے ٹیم (آج) منگل کو لاہور روانہ ہو گی۔ انہوں نے بتایا کہ راولپنڈی ڈویژن کی ٹیم باصلاحیت کھلاڑیوں پر مشتمل ہے اور ہم پنجاب گیمز میں ٹائٹل جیتنے کی بھرپور کوشش کریں گے۔
٭٭٭٭٭