کے الیکٹرک کی مبینہ غفلت اور عاقبت نااندیشانہ پالیسیوں کے خلاف شہریوں کا شدید احتجاج

کراچی کے علاقے ابراہیم حیدری میں بجلی کی طویل اور غیر اعلانیہ بندش کے خلاف علاقہ مکینوں نے سڑکوں پر نکل کر شدید احتجاج کیا۔ شہریوں کی بڑی تعداد نے مرکزی شاہراہ پر دھرنا دیا، جس کے باعث ٹریفک کی روانگی معطل ہو گئی اور گاڑیوں کی لمبی قطاریں لگ گئیں۔

مظاہرین کا کہنا تھا کہ شدید گرمی اور حبس کے دوران بجلی کی مسلسل بندش نے ان کا جینا محال کر دیا ہے،  متعلقہ حکام اور بجلی فراہم کرنے والی کمپنی شکایات کے باوجود کوئی مؤثر قدم اٹھانے سے گریزاں ہیں۔ عوام نے اعلیٰ حکام سے مطالبہ کیا ہے کہ فوری طور پر بجلی کی فراہمی بحال کی جائے بصورت دیگر احتجاج کا دائرہ کار مزید وسیع کیا جائے گا۔

شہر کے مختلف علاقوں میں بجلی فراہم کرنے والے ادارے کی مبینہ غفلت اور ناقص کارکردگی کے خلاف شہریوں میں شدید غم و غصہ پایا جاتا ہے۔ کے الیکٹرک کی نااہلی کے باعث پیدا ہونے والی سنگین صورتحال نے عوام کی زندگی اجیرن کر دی ہے۔

دستاویزات اور دستیاب شواہد کے مطابق، بجلی کی طویل بندش اور فالٹس کو درست نہ کیے جانے پر علاقہ مکین سراپا احتجاج بن گئے۔ مظاہرین کا کہنا ہے کہ ادارے کی جانب سے بار بار شکایات کے باوجود کوئی مؤثر قدم نہیں اٹھایا گیا، جس سے نظامِ زندگی مفلوج ہو کر رہ گیا ہے۔

عوامی حلقوں نے اعلیٰ حکام سے مطالبہ کیا ہے کہ فوری طور پر اس صورتحال کا نوٹس لیا جائے اور متعلقہ ذمہ داروں کے خلاف سخت قانونی کارروائی عمل میں لائی جائے۔