بنوںمیںزلزلے کے جھٹکوں سے خوفزدہ ہوکر بھاگنے پر 11 طلباء زخمی

ٹانچی بازار کے گورنمنٹ مڈل اسکول میں آج آنے والے زلزلے سے خوف زدہ ہوکے طلباء بھاگنا شروع ہوگئے، ذرائع کے مطابق سیڑھیوں پر دھکم پیل کی وجہ سے 11 طلباء زخمی ہوگئے۔واقعے کے بعد ریکسیو اہلکاروں نے زخمی طلباء کو ڈسٹرکٹ ہیڈ کواٹر اسپتال بنوں منتقل کردیا جہاں بچوں کی حالت خطرے سے باہر بتائی جاتی ہے۔واضح رہے کہ آج صبح اسلام آباد، خیبر پختونخوا اور پنجاب کے مختلف علاقوں میں زلزلے کے شدید جھٹکے محسوس کیے گئے ہیںجن کی شدت ریکٹر اسکیل پر 5 اعشاریہ 6 ریکارڈ کی گئی تھی۔زلزلہ پیما مرکز کے مطابق زلزلے کا مرکز بنوں سے 30 کلومیٹرشمال تھا، جبکہ اس کی زیر زمین گہرائی 12 کلومیٹر تھی۔