پشاور:چیف جسٹس ذہنی امراض کے اسپتال میں سہولیات نہ ہونے پر برہم

چیف جسٹس میاں ثاقب نثار نے پشاور میں سنٹرل جیل اورذہنی امراض کےاسپتال کا دورہ کیا۔دورے میں انہوں نے انتظامی امور اور دیگر معاملات کا جائزہ لیا ۔ اسپتال میںچیف جسٹس نے مریضوں سے سہولیات کے حوالے سے پوچھا۔چیف جسٹس ثاقب نثارنے ذہنی امراض کے ہسپتال میں سہولیات نہ ہونے پر برہم ہو گئے اور چیف سیکرٹری کو طلب کر لیا ۔انہوں نے ریمارکس دیتے ہوئے کہا کہ ہسپتال میں کوئی صفائی نہیں ۔سبزیاں ، جوتے ایک ہی جگہ پر ہیں ،کچن کے حالات اتنے برے ہیں ۔انہوں نے عملے سے پوچھا کہ کیا آپ ان سب کو انہیں پلیٹوں میں کھانا دیتے ہو۔چیف جسٹس نے کہا کہ یہ لوگ زیادہ نگہداشت کے حقدار ہیں ۔چیف جسٹس نے ایم ایس سے پوچھا کہ مریضوں کو کس میں لایا جاتا ہے اور بتائیں ہسپتال میں کونسی چیز ٹھیک ہے ؟ انہوں نے ہتھکڑیوں میں جکڑے ہوئے مریض کو دیکھ کرناراضگی کا اظہار کیااور ہسپتال کی خراب صورتحال پر وزیر اعلی کو طلب کر لیا۔