غزہ کی پٹی میں فلسطینی مظاہرین نے اسرائیلی ڈرون طیارہ مار گرایا

غزہ: فلسطین کے علاقے غزہ کی پٹی کے مشرق میں ہونے والے مظاہرے کے دوران مظاہرین نے اسرائیل کا ایک ڈرون طیارہ مار گرایا۔ مرکز اطلاعات فلسطین کے مطابق اسرائیل کا ایک ڈرون طیارہ فلسطینی مظاہرین کے اوپر سے گزر رہا تھا کہ اس دوران مظاہرین نے اس پر سنگ باری شروع کر دی۔ مسلسل سنگ باری سے نچلی پرواز کرنے والے اس ڈرون کو مار گرایا گیا۔خیال رہے کہ یہ ڈرون مظاہرین کی تصاویر بنانے کے لیے فضا میں چھوڑا گیا تھا جبکہ مشرقی غزہ میں ہزاروں فلسطینیوں نے تحریک حق واپسی کے مظاہروں میں حصہ لیا ۔