بھارت: ریتلے طوفان اور تباہ کن بارشوں سے کم سے کم 70افراد ہلاک

غیر ملکی خبر رساں ادارےکے مطابق گزشتہ روز ریاست اتر پردیش میں100کلو میٹر فی گھنٹہ کی رفتار سے چلنے والی تیز ہوا نے کئی مکان مسمار، درخت اور بجلی کے کھمبے اکھاڑ دیے۔ ریاست میں مختلف حادثات میں کم سے کم 70افراد ہلاک اور 200سےزائد زخمی ہوئے ہیں۔پریس ٹرسٹ آف انڈیا نیوز ایجنسی کے مطابق ریتلے طوفان سے مغربی بنگال اور جنوبی ریاست آندرا پردیش بھی متاثر ہوئی ہیں۔واضح رہے کہ رواں ماہ بھارت میں خراب موسم کے باعث ہلاکتوں کی تعداد 230تک جا پہنچی ہے۔