پی ایچ ایف کے انتخابات کل وفاقی دارالحکومت میں ہوں گے

پاکستان ہاکی فیڈریشن کے انتخابات کل وفاقی دارالحکومت اسلام آباد میں ہوں گے۔انتخابات کیلئے کاغذات جمع کرادئے گئے ہیں جس کے بعد کل 11 بجے انتخابات ہوں گے۔ صدر سجاد کھوکھر اور سیکریٹری شہباز سینئر نے کاغذات جمع کرا دیے ہیں سجاد کھوکھر اور شہباز سنئیر کے خلاف کسی نے کاغذات نامزدگی جمع نہیں کرائے۔تاہم مخالف گروپ نے الیکشن کمیشن کو جانبدار قرار دے کر بائیکاٹ کا اعلان کر دیا۔سابق اولمپئین دانش کلیم نے الیکشن کے خلاف کل بروز منگل لاہور ہائی کورٹ میں رٹ دائر کرنے کا فیصلہ کیا ہے۔