14گدھےاور 3غیر قانونی یمنیوں کو لیجانے والا پاکستانی گرفتار

ریاض:سعودی پولیس اور پیٹرولنگ فورس نے ایک پاکستانی ڈرائیور کو 14گدھے اسمگل کرنے اور 3غیر قانونی یمنیوں کو سفر کی سہولت فراہم کرنے پر گرفتار کرلیا۔سعودی میڈیا کے مطابق جنوبی شہر طائف کے میسان مقام پر پولیس اور گشتی فورس نے شبے میں گاڑی کو روکا تھا۔ تلاشی لینے پر پتہ چلا کہ گاڑی میں 14گدھے لدے ہیں اور 3ایسے یمنی بھی موجود ہیں جن کے پاس کوئی شناختی دستاویز نہیں۔ پاکستانی ڈرائیور نے بتایا کہ وہ گدھے طائف لے جارہا تھا۔ جنوبی طائف کے ایک قرئیے کے لوگوں نے یہ گدھے اس کی گاڑی میں لادے۔