افغانستان کے 3 صوبوں میں طالبان اورافغان فورسز مین جھڑپیں

کابل : افغانستان کے تین صوبوں میں طالبان اورافغان فورسز کے درمیان جھڑپیں ہوئی ہیں ۔ ان جھڑپوں میں 13 طالبان کے مارے جانے کی اطلاع ہے۔ افغان میڈیا نے افغان حکام کے حوالےسے بتایا ہے کہ شمالی صوبہ قندوزمیں افغان فوج سے جھڑپ میں 7 طالبان مارے گئے جبکہ 4 زخمی ہوگئے ہیں۔ صوبہ سر پل میں جھڑپ کے دوران ایک طالبان ہلاک اور2 زخمی ہوگئے ۔ صوبہ بلخ میں جھڑپ کے دوران 5 طالبان مارے گئے اور 3 زخمی ہوگئے۔ اس جھڑپ کے دوران طالبان کے اسلحہ کے ذخیرے کوبھی تباہ کردیا گیا۔ دوسری جانب افغانستان کے شہر فرح میں طالبان اور افغان فورسز کے درمیان جھڑپ ہوئی ہے ۔ افغان حکم کے مطابق طالبان نے شہر کے شمال میں افغان فورسز پرایک بڑا حملہ کیا ہے،افغان فورسز نے دعویٰ کیا ہے کہ اس لڑائی میں 8 طالبان مارے گئے اور کئی زخمی ہوگئے۔ دوسری جانب طالبان نے افغان فورسز کو بھاری نقصان پہنچانے کا دعویٰ کیا ہے۔