نیو اسلام آباد ایئر پورٹ سے 2 غیر ملکی منشیات اسمگلر گرفتار

اسلام آباد : نیواسلام آباد ایئرپورٹ پراے ایس ایف نے کارروائی کرتے ہوئے خاتون منشیات اسمگلر سمیت 2غیر ملکی افراد کو گرفتار کرلیا۔ تفصیلات کے مطابق نیو اسلام آباد انٹرنیشنل ایئرپورٹ پر اے ایس ایف کی جانب سے کارروائی کی گئی جس میں نائجیریا سے تعلق رکھنے والے جانسن اور جنیفر کو گرفتار کرکے ان کے قبضے سے ہیروئن برآمد کرلی۔ایئرپورٹ سیکورٹی فورس کے مطابق دونوں کے قبضے سے ڈیڑ ھ کلو ہیروئین برآمد ہوئی ہے، دونوں غیرملکی ایئرلائن کی پرواز پی کے 233 سے دبئی جا رہے تھے۔ اے ایس ایف کے مطابق دونوں غیرملکیوں کو گرفتار کرکے اے این ایف حکام کے حوالے کردیا گیا ہے۔