پی ٹی آئی کی وکٹ گئی۔ مسرت احمد زیب مسلم لیگ ن میں شامل

لاہور: چیئرمین تحریک انصاف کی جانب سے ہر روز ہی مسلم لیگ ن کی وکٹیں اڑائی جارہی ہیں لیکن اب شہباز شریف نے بھی کپتان کی وکٹ اڑا لی ہے۔پی ٹی آئی کی مسرت احمد زیب مسلم لیگ ن میں شامل ہوگئی ہیں۔تحریک انصاف کی ٹکٹ پر رکن اسمبلی منتخب ہونے والی مسرت احمد زیب نے کچھ عرصہ بعد ہی بغاوت کرتے ہوئے پارٹی سے راہیں جدا کرلی تھیں تاہم اسمبلی کی رکنیت سے استعفیٰ نہیں دیا۔ انہوں نے شہباز شریف کی زیر صدارت ہونے والے مسلم لیگ ن کی پارلیمانی پارٹی کے اجلاس میں شرکت کی جس کے بعد انہوں نے وزیر اعظم اور وزیر اعلیٰ سے ملاقات کرکے مسلم لیگ ن میں شمولیت کا اعلان کیا۔