مسجد الحرام میں کرین حادثہ: کوئی جانی نقصان نہیں ہوا

مکہ مکرمہ: مسجد الحرام کے زیر تعمیر حصے میں کرین حادثہ پیش آیا ہے۔ حادثے میں کوئی جانی نقصان نہیں ہوا۔ گورنر مکہ کے ترجمان کے مطابق مسجد الحرام میں ترقیاتی کام کے دوران کرین گر گئی جس میں کرین آپریٹر زخمی ہوگیا تاہم کوئی جانی نقصان نہیں ہوا۔کرین آپریٹر کو اسپتال میں طبی امداد فراہم کرنے کے بعد روانہ کردیا گیا ہے۔ گورنر مکہ مکرمہ کےسیکریٹریٹ کی جانب سے ٹوئٹر پراپنے پیغام میں کہا ہے کہ حادثے کا مقام نماز کے لئے وقف نہیں تھا اور وہاں زائرین بھی موجود نہیں تھے۔