ورجینیا: مال گاڑی پٹری سے اتر گئی

ورجینیا: امریکی ریاست ورجینیا میں ایک حادثہ پیش آگیا۔ ورجینیا کے شہر الیگزینڈریا میں مال گاڑی پٹری سے اتر گئی تاہم کوئی جانی نقصان یا کسی شخص کے زخمی ہونے کی اطلاع نہیں ملی۔ ریلوے کمپنی کے مطابق مال گاڑی کی 167 بوگیوں میں سے اکتیس بوگیاں پٹری سے اتری۔ ذرائع کے مطابق ٹرین پر کوئی خطرناک مادہ نہیں تھا اس لئے کوئی نقصان نہیں ہوا۔ ریلوے ڈرائیور کا کہنا ہے کہ ویلر ایونیو کے قریب واقع پل کی مٹی نرم پڑ چکی تھی جس وجہ سے یہ حادثہ پیش آیا۔ ذرائع کے مطابق واقعہ میں کوئی جانی نقصان یا زخمی ہونے کی اطلاع نہیں ملی ہے۔ پٹری کی مرمت میں ایک دن سے زیادہ کا وقت لگ سکتا ہے۔