دنیا کی بلند ترین چوٹی سر کرنے کی کوشش میں 2غیر ملکی کوہ پیما ہلاک

کھٹمنڈو:دنیا کی بلند ترین چوٹی سر کرنے کی کوشش میں 2غیر ملکی کوہ پیما ہلاک ہو گئے ۔غیرملکی خبررساں ادارے کے مطابق نیپال کے کوہ پیمائی سے متعلق ادارے کے ایک اہلکار نے کہا ہے کہ ماؤنٹ ایورسٹ کے بیس کیمپ پر تعینات گیاندرا شریشتھا نے بتایا ہےکہ مقدونیا کا ایک کوہ پیماجبکہ ایک جاپانی کوہ پیما ماؤنٹ ایورسٹ چوٹی سر کرنے کی کوشش میں ہلاک ہوگئے۔ واضح رہے کہ رواں سیزن کے دوران دنیا بھر سے 340 کوہ پیما اور ان کے ساتھ سفر کرنے والے شیر پا ماؤنٹ ایورسٹ کو سر کرنے کی کوشش کر رہے ہیں۔