مبینہ دہشت گرد گرفتار۔ دہشت گردی کا منصوبہ ناکام ۔بم برآمد

حیدر آباد:حیدر آباد پولیس نے دہشت گردی کا منصوبہ ناکام بنادیااور مبینہ دہشت گرد کو گرفتار کرکے تین کلو وزنی بم بر آمد کرکے ریلوے ٹریک کو تباہ ہونے سے بچا لیا ۔حیدر آباد ریلوے ٹریک کو تباہ کرنے کے لئے تین کلو وزنی بم رکھا گیا تھا ، پولیس نے بروقت کارروائی کرتے ہوئے بم بر آمد کرکے ملزم کو گرفتار کرلیا، پولیس کے مطابق ملزم کا نام قیوم دھاریجو ہے جو ریلوے ٹریک کو بم سے اڑا کر تباہ کرناچاہتا تھا۔