نگران وزیر اعظم کا معاملہ پارلیمانی کمیٹی کے پاس جائیگا۔چوہدری نثار

لاہور:سابق وزیر داخلہ چوہدری نثار علی خان نے کہا ہے کہ یہ واضح ہوگیا ہے کہ نگران وزیر اعظم کیلئے معاملہ پارلیمانی کمیٹی کے پاس جائے گا، نگران وزیر اعظم کیلئے پہلی ترجیح تصدق جیلانی ہی نظر آرہے ہیں۔اسپیکر ایاز صادق سے ملاقات کے بعد میڈیا سے غیر رسمی گفتگو کرتے ہوئے انہوں نے کہا کہ ضروری نہیں ہے کہ تحریک انصاف میں شامل ہونے والے تمام امیدوار کامیاب ہوں ، ہر پارٹی کے اپنے الیکٹیبلز ہوتے ہیں ۔چوہدری نثار نے اس موقع پر واضح کیا کہ وہ آئندہ الیکشن میں چار حلقوں سے الیکشن لڑیں گے ۔