سعودی عازمین کیلئے ٹرین اور پروازوں کے کرایوں میں اضافہ

مکہ المکرمہ:سعودی وزارت حج و عمرہ نے داخلی عازمین کیلئے ٹرین اور پروازوں کے کرائے بڑھا دیئے۔ مکہ مکرمہ میں میڈیا سے گفتگو کرتے ہوئے داخلی معلمین کی رابطہ کونسل کے رکن اور ترجمان محمد القرشی نے بتایا کہ وزارت بلدیات و دیہی امور نے مشاعر مقدسہ ٹرین کے انتظامات کا ٹھیکہ اسپین کی کمپنی کے ساتھ ختم کرکے چینی کمپنی کو دے دیا ہے جس کی مالیت ایک ارب 20 کروڑ ریال ہے۔ انھوں نے کہا کہ یہی وجہ ہے کہ داخلی عازمین کیلئے مشاعر مقدسہ ٹرین سے استفادہ کا مکمل پیکیج 250 ریال سے بڑھا کر 400 ریال اور پرواز کا ٹکٹ 2200 ریال سے بڑھا کر 2465 ریال کردیاگیا ہے۔