سی ٹی ڈی کی راولپنڈی میں کارروائی -اہم دہشت گرد گرفتار

راولپنڈی:سی ٹی ڈی نے راولپنڈی شہر کو بڑی تباہی سے بچالیا۔ سی ٹی ڈی نے چکری روڈپر کارروائی کرتے ہوئے کالعدم تنظیم کے مبینہ دہشت گرد محمد اعجاز کو گرفتار کر کے بھاری مقدارمیں اسلحہ برآمد کرلیا۔

تفصیلات کے مطابق سی ٹی ڈی نے راولپنڈی میں تباہی کا بڑا منصوبہ ناکام بنا دیا چکری روڈسے کالعدم تنظیم کے مبینہ دہشت گرد محمد اعجاز کو گرفتار کر کے بھاری مقدارمیں اسلحہ بھی برآمد کرلیاگیا۔ملزم کے خلاف سی ٹی ڈی تھانے میں مقدمہ درج کرلیاگیاہے۔ مبینہ دہشت گرد کو انسداددہشت گردی کی خصوصی عدالت کے جج محمد اصغرخان کے روبرپیش کردیا گیا۔عدالت نے سی ٹی ڈی کی استدعا پر ملزم کا 12 روز کاجسمانی ریمانڈ منظور کرکےملزم کو 12 جون کو دوبارہ عدالت میں پیش کرنے کا حکم دے دیا۔