آب زم زم کے نام پر سادہ پانی فروخت کرنے والامصری ملزم گرفتار

قاہرہ:مصر کے شہر اسکندریہ میں سیکیورٹی حکام نے کارروائی کرتے ہوئے ایک لائبریری کے مالک کو گرفتار کر لیا جو شیشے کی بوتلوں میں’’ نل ‘‘کا پانی بھر کر انہیں آب زمزم کے نام پرمہنگے داموں فروخت کر رہا تھا۔عرب ٹی وی کے مطابق محرم بک کے علاقے میں ایک لائبریری کا 39 سالہ مالک بنا کسی اجازت نامے کے پانی بھر کر انہیں قیمت کے عوض شہریوں کو فروخت کرتا رہا۔ یہ انکشاف بھی ہوا ہے کہ لائبریری کا مذکورہ مالک جن بوتلوں میں یہ پانی بھرتا ہے اس پر آب زمزم لکھا ہوتا ہے۔سکیورٹی ذرائع کے مطابق متعلقہ پولیس فورس نے لائبریری پر چھاپہ مارا اور وہاں سے مختلف حجم کی پانی کی بوتلیں اور بڑی تعداد میں اسٹیکرز قبضے میں لے لیےملزم کو تحقیقات کے لئے استغاثہ کے حوالے کر دیا گیا ہے۔