کوہاٹ میں وین میں لگنے والی آگ سے 6 افراد جھلس گئے

کوہاٹ: کوہاٹ میں مسافر وین میں آگ لگنے سے 6 افراد جھلس گئے جبکہ 8 زخمی ہوگئے۔
تفصیلات کے مطابق صوبہ خیبرپختونخوا کے شہر کوہاٹ میں مسافر وین میں آگ بھڑک گئی۔ مسافر وین پشاور سے ڈیرہ اسماعیل خان جا رہی تھی ۔
پولیس ذرائع کے مطابق وین میں گیس لیک ہونے سے  آگ لگی۔ وین میں 12 مسافر سوار تھے، جن میں سے 6 جاں بحق ہوگئے جبکہ 6 افراد زخمی ہوئے، جنہیں اسپتال منتقل کردیا گیا۔ جبکہ آگ لگی وین کی مخالف سمت سے آنے والے ٹرک سے ٹکر بھی ہوئی، جس کے نتیجے میں ٹرک میں سوار 2 افراد بھی زخمی ہوئے، انہیں بھی اسپتال منتقل کردیا گیا۔ حادثے کے باعث انڈس ہائی وے بند ہوگیا اور ٹریفک معطل کردیا گیا۔