مقابلے میں دہشت گرد2ساتھیوں سمیت گرفتار،رینجرز اہلکارشہید

کراچی:کراچی کے علاقے کورنگی زمان ٹاؤن میں انتہائی مطلوب دہشت گردکی موجودگی کی اطلاع پر رینجرز نے ٹارگیٹڈ آپریشن کیا جس کے دوران ملزمان کی فائرنگ سے ایک رینجرزاہلکارشہید جبکہ 2اہلکارزخمی ہوگئے۔ رینجرزنے کامیابی سے سیاسی جماعت سے تعلق رکھنے والے انتہائی مطلوب دہشت گرد شفیق کالا کوزخمی حالت میں 2 ساتھیوں سمیت گرفتار کرکے تفتیش کیلئے نامعلوم مقام پر منتقل کردیا ہے۔ تفصیلات کے مطابق کراچی کے علاقے کورنگی زمان ٹاؤن میں انتہائی مطلوب دہشت گرد کی موجودگی کی اطلاع پر رینجرز نے ٹارگیٹڈ آپریشن کیاجو دو گھنٹے سے زائد تک جاری رہا اس دوران ملزمان کی فائرنگ سے ایک رینجرزاہلکارشہید جبکہ 2اہلکارزخمی ہوگئےجس کے بعد رینجرز کی بھاری نفری طلب کی گئی جس نے علاقے کو گھیرے میں لے لیااور فائرنگ کے تبادلے کےبعد کامیابی سے سیاسی جماعت سے تعلق رکھنے والے انتہائی مطلوب دہشت گرد شفیق کالا کوزخمی حالت میں 2 ساتھیوں سمیت گرفتار کرکے تفتیش کیلئے نامعلوم مقام پر منتقل کردیا ہے۔ملزمان کے قبضے سے انتہائی جدید ترین اسلحہ دستاویزات اور اہم چیزیں برآمد ہوئی ہیں جن کی تحقیقات شروع کردی گئی ہیں۔پکڑے گئے انتہائی مطلوب ملزم شفیق کالا پر زمانں ٹائون تھانے میں ،قتل اقدام قتل ،ڈکیتیوں جلاؤگھیراؤ،اغو ابرائے تاوان ،بھتہ اور دھمکیوں سمیت انتہائی سنگین نوعیت کے 24 مقدمات درج ہیں ۔تینوں ملزمان کو تفتیش کیلئے رینجرزنے نامعلوم مقام پر منتقل کرکے تحقیقات شروع کردی ہیں۔