غزہ ،اسرائیلی فورسز کی فائرنگ سے4نہتے فلسطینی شہید

غزہ پٹی میں اسرائیلی فورسز کی فائرنگ سے مزید چار نہتے فلسطینی شہید ہوگئے، شہید ہونے والوں میں ایک 15 سال کا لڑکا بھی شامل ہے،جس کی شناخت ھیثم الجمال کے نام سے ہوئی ہے جو غزہ اور اسرائیل کی سرحد پر ہونے والے مظاہرے میں حصہ لے رہا تھا۔
اسرائیلی فورسز کی فائرنگ اور آنسو گیس شیلنگ سے 500 سے زائد افراد زخمی ہوگئے۔وزارت کے مطابق جبکہ زخمیوں میں پانچ کی حالت تشویش ناک ہے۔
واضح رہے کہ غزہ میں اسرائیلی فوج کی فائرنگ سے شہید فلسطینیوں کی تعداد 62 ہوگئی ۔اس سے قبل 14 مئی کو ہونے والے اسرائیل مخالف مظاہروں میں 60 سے زائد فلسطینی شہید ہوگئے تھے۔