پنجاب اور بلوچستان میں آندھی اوربارش سے3افراد جاں بحق

لاہور/کوئٹہ :پنجاب اور بلوچستان میں آسمانی بجلی گرنے ، تیزآندھی اور بارش سے2بچوں سے سمیت 3افراد جاں بحق جبکہ بچوں اور خواتین سمیت 43افراد زخمی ہوگئے ۔

نجی ٹی وی کے مطابق بلوچستان کے اضلاع ژوب اور ڈیرہ بگٹی میں آسمانی بجلی گرنے سے 2بچوں سمیت 3افراد جاں بحق جبکہ خاتون سمیت 5افراد زخمی ہو گئے ۔ پنجاب کے ضلع لیہ میں تیز آندھی اوربارش سے درخت ، سائن بورڈ اکھڑ نے اور کچے مکانوں کی چھتیں گرنے سے 14بچوں اور خواتین سمیت 38افراد زخمی ہوگئے ۔شدید زخمیوں کوہسپتال منتقل کردیا گیا ۔