جرمنی کا جارجیا کو ایک محفوظ ملک قرار دینا کافیصلہ

برلن:جرمن وزیر داخلہ ہورسٹ زیہوفر نے کہاہے کہ وہ قفقاذ کی ریاست جارجیا کو ایک محفوظ ملک قرار دینا چاہتے ہیں۔غیرملکی خبررساں ادارے کے مطابق ذرائع نے بتایا کہ اس سلسلے میں تیار کیا جانے والا ایک مسودہ جرمن حکومت کے مختلف محکموں کو بھیج دیا گیا ہے۔ مراکش، تیونس اور الجزائر کو بھی محفوظ ممالک کی فہرست میں شامل کیا جا رہا ہے۔ کسی محفوظ ملک کا مطلب یہ ہے کہ جرمنی میں ایسے ممالک کے شہریوں کی سیاسی پناہ کی درخواستوں پر تیزی اور آسانی سے کام کیا جاتا ہے۔ تاہم محفوظ ممالک کے شہریوں کو سیاسی پناہ دیے جانے کے امکانات نہ ہونے کے برابر ہوتے ہیں۔