وہائٹ ہاؤس کے "ڈپٹی چیف آف اسٹاف” عہدے سے مستعفی

واشنگٹن:امریکی سینئر اہل کار جو ہیگِن نےوہائٹ ہاؤس کے "ڈپٹی چیف آف اسٹاف” کے عہدے سے استعفا دے دیا۔ یہ پیش رفت سنگاپور میں امریکی صدر ڈونلڈ ٹرمپ اور شمالی کوریا کے سربراہ کِم جونگ اُن کے درمیان ہونے والی تاریخی ملاقات کے ایک ہفتے بعد سامنے آئی ہے۔امریکا کے چار صُدور (رونالڈ ریگن، جارج بُش سینئر، جارج بُش جونیئر اور ڈونلڈ ٹرمپ) کی انتظامیہ میں کام کرنے والے 62 سالہ ہیگِن وہائٹ ہاؤس چھوڑنے کے بعد نجی سیکٹر میں کام کریں گے۔ڈونلڈ ٹرمپ نے اپنے ایک بیان میں کہ "جو ہیگِن میری انتظامیہ میں بڑی اہمیت کے حامل تھے۔ انہوں نے کسی بھی صدر کے طویل ترین کامو ںکی منصوبہ بندی اور ان پر عمل درآمد کو مثالی صورت میں یقینی بنایا۔ ہم دفتر میں ان کی خدمات سے محروم ہو جائیں گے۔ میں اس عظیم ملک کے لیے ان کی شان دار خدمت پر ممنون ہوں”۔