مظفر آباد میں گاڑی کھائی میں گرنے سے 5 سیاح جاں بحق

مظفرآباد: مظفر آباد میں گاڑی کھائی میں گرنے کے باعث 5 سیاح جاں بحق اور 11 زخمی ہوگئےہیں۔

نجی ٹی وی کے مطابق حادثہ شاہراہ نیلم پر واقع کوڑی پل کے مقام پر پیش آیا، سیاحوں سے بھری ایک گاڑی کوڑی پل کے قریب موڑ کاٹتے ہوئے بے قابو ہوکر گہری کھائی میں جا گری جس کے باعث 5 افراد جاں بحق اور 11 زخمی ہوگئے۔پولیس کے مطابق امدادی کارروائیاں جاری ہیں ،زخمیوں کی حالت تشویش ناک ہے جس کے باعث ہلاکتوں میں اضافے کا خدشہ ہے۔