کراچی میں نامعلوم ملزمان کا خواجہ سرا پر حملہ

کراچی: کورنگی میں نامعلوم ملزمان نے خواجہ سرا پر حملہ کرکے پتھروں اور تیز دھار آلے کے وار سے زخمی کردیا۔
تفصیلات کے مطابق کورنگی بلال کالونی میں نامعلوم ملزمان نے خوشی نامی خواجہ سرا کے گھر میں داخل ہوکر پتھروں اور تیز دھار آلے سے زخمی کردیا۔
خواجہ سرا خوشی کو زخمی حالت میں جناح اسپتال منتقل کردیا گیا۔
پولیس کے مطابق ملزمان نے خواجہ سرا خوشی کو پہلے پتھروں سے مارا پھر بعد میں چاقو سے زخمی کیا۔