اسرائیلی فوج کی غزہ میں توپ سے گولہ باری :2فلسطینی زخمی

غزہ : فلسطین کے علاقے غزہ کی پٹی کے جنوبی شہر رفح میں اسرائیلی فوج کی جانب سے توپ خانے سے بلا اشتعال گولہ باری کی گئی جس کے نتیجے میں 2 فلسطینی زخمی ہوگئے۔

غیرملکی میڈیا کے مطابق اسرائیلی فوج کی طرف سے جاری کردہ بیان میں کہا گیا ہے کہ فلسطینیوں کو اس وقت نشانہ بنایا گیا جب وہ غزہ کی سرحد پر دراندازی کی کوشش کررہے تھے۔مقامی فلسطینی ذرائع کاکہنا ہے کہ اسرائیلی فوج کی توپ خانے سے گولہ باری کے نتیجے میں 2 فلسطینی زخمی ہوگئے ،جنہیں ابتدائی طبی امداد کے بعد اسپتال منتقل کردیا گیا ہے جہاں ان کا علاج معالجہ جاری ہے۔