افغانستان کےشہرجلال آباد میں بم دھماکا،19 افراد ہلاک

ننگرہار کے شعبہِ صحت کے ڈائریکٹر نجیب اللہ کماوال نے بتایا ہے کہ ہلاک ہونے والوں میں 17 سکھ اورہندو افراد تھے، دھماکے میں 20 افراد زخمی بھی ہوئے ہیں۔

برطانوی خبر رساں ادارے کے مطابق ہلاک شدگان میں وہ سکھ شخص بھی شامل تھا جو ملک میں آئندہ اکتوبر میں ہونے والے پارلیمانی انتخابات میں واحد سکھ امیدوار بننے والا تھا۔

حملے سے چند گھنٹے قبل ہی صدر اشرف غنی نے جلال آباد کے ہسپتال کا دورہ کیا تھا۔ حکام کا کہنا ہے کہ جس وقت حملہ ہوا اس وقت صدر غنی اس علاقے میں موجود نہیں تھے۔

بم دھماکے کی ذمہ داری دہشتگرد تنظیم داعش نے قبول کرلی ہے۔