بھارتی فوج کے ہاتھوں ایک اور کشمیری نوجوان شہید

سری نگر: مقبوضہ کشمیر میں قابض بھارتی فوج کےہاتھوں ایک اور کشمیری نوجوان شہید ہوگیا۔
تفصیلات کے مطابق بھارتی فوج نے گزشتہ روز تحریک آزادی کے رہنما برہان وانی کی دوسری برسی سے قبل ہی علاقے میں بند کر رکھا ہےاور اس دوران تین کشمیریوں کو شہید کیا گیا۔
کشمیر میڈیا سروس کے مطابق بھارتی فوج کی تازہ کارروائی میں ایک اور کشمیری نوجوان شہید ہوگیا ہے۔
قابض فوج نے رات گئے ضلع کپواڑہ کے علاقے ہندواڑہ میں سرچ آپریشن کیا اور اس دوران ایک نوجوان کو شہید کردیا۔
بھارتی فوج نے نوجوان کی شہادت کے بعد کشیدگی کے پیش نظر علاقے کا مکمل محاصرہ بھی کر رکھا ہے۔