خوشاب میں سنگدل خاتون نے شوہراور4 بچوں کوقتل کردیا

خوشاب میں سنگدل خاتون نے اپنے شوہر اور4 بچوں سمیت 5 افراد کو قتل کردیا۔

پولیس کے مطابق واقعہ خوشاب کے علاقے جوہرآباد میں ہوا جہاں خاتون نے اپنے شوہر،2 بیٹوں اور2 بیٹیوں کو قتل کیا۔

پولیس کے مطابق ملزمہ نے واردات کے بعد خود ہی تھانہ سٹی میں پیش ہوکرگرفتاری دے دی۔

دوسری جانب مقتولین کی لاشیں پوسٹ مارٹم کے لیے ڈسٹرکٹ ہیڈکوارٹرز (ڈی ایچ کیو) اسپتال منتقل کردی گئی ہیں۔

پولیس کے مطابق قتل کی وجہ معلوم نہ ہوسکی، تاہم شواہد اکٹھے کرلیے گئے ہیں اورتحقیقات جاری ہے۔