کراچی میں رینجرز کی کارروائی 8- ملزمان گرفتار

کراچی: رینجرزنے کراچی کے مختلف علاقوں میں کارروائی کرکے8 ملزمان کو گرفتار کرلیا۔

رینجرز کی جانب سے کراچی کے علاقوں سعید آباد، گارڈن، شریف آباد، درخشاں، ڈیفنس اورعوامی کالونی میں کارروائیاں کی گئیں۔رینجرز نے سعید آباد میں کارروائی کرکے ایم کیوایم لندن کے کارکن ریحان الدین عرف بھورا کو حراست میں لیا،آپریشن کے دوران لیاری گینگ وار کے شاہ رخ کوبھی گرفتارکیا گیا۔ ملزم ٹارگٹ کلنگ اور بھتہ وصولی میں ملوث رہا ہے۔

گارڈ ن سے بھتہ خور محمد شاہد عرف جیلانی کو گرفتارکیا گیا جب کہ شریف آباد، درخشاں، ڈیفنس اورعوامی کالونی سے اسٹریٹ کرائم میں ملوث 4 دیگر ملزمان کو بھی حراست میں لیا گیا ہے۔